repulse bay mapᓇᐅᔮᑦ ᐅᑭᐅᖅᑕᖅᑑᑉ ᑭᒡᓕᖃᕐᕕᖓᓃᑦᑎᐊᖅᑐᖅ ᓄᓇᕗᑦ ᕿᑎᐊᓂ. ᐅᑭᐅᖅᑕᖅᑑᑉ ᑭᒡᓕᖃᕐᕕᖓᓂ ᐅᔭᖅᑲᑦ ᖃᓕᕇᓕᖅᓯᒪᔪᑦ ᑕᐃᒪᐅᔪᑦ, ᓇᓗᓇᐃᒃᑯᑕᖅ ᐅᑭᐅᖅᑕᖅᑑᑉ ᑭᒡᓕᖃᕐᕕᖓᐅᓂᖓᓄᑦ. ᓇᐅᔮᑦ ᑲᓇᑕᒥ ᓄᓇᓕᖕᓂ ᐅᑭᐅᖅᑕᖅᑑᑉ ᑭᒡᓕᖃᕐᕕᖓᓃᑦᑐᑐᐊᑦᑎᐊᖅ. ᐅᑭᐅᖅᑕᖅᑑᑉ ᑭᒡᓕᖃᕐᕕᖓ ᑐᑭᓕᐊᖅᑑᔪᖅ ᓇᓗᓇᐃᒃᑯᑕᐅᓪᓗᓂ ᓄᓇᕐᔪᐊᕐᒥ ᐅᑭᐅᖅᑕᖅᑐᒧᑦ ᓯᕿᓂᖅ ᓯᕿᓂᐅᑉ ᓴᖅᑭᖃᑦᑕᕐᕕᖓᑕ ᖁᓛᓃᖦᖢᓂ 24-ᓂᒃ ᐃᑲᕐᕋᓂᒃ ᔫᓐ 21-ᒥ, ᐊᒻᒪᓗ ᐃᓗᐃᑦᑐᒃᑯᑦ ᐊᑖᓂ ᓯᕿᓂᖃᕐᕕᐅᔫᑉ 24-ᓂᒃ ᐃᑲᕐᕋᓂᒃ ᑎᓯᐱᕆ 21-ᒥ.

ᐃᓄᒃᑎᑐᑦ ᑕᐃᔭᐅᕙᒃᑐᖅ ᐃᒪᓐᓇ ᓇᐅᔮᑦ, ᑐᑭᖓ "ᐅᑉᓗᖃᕐᕕᐅᔪᖅ ᓇᐅᔭᓄᑦ". ᐅᑉᓗᖃᕐᕕᐅᔪᑦ ᖃᖅᑲᓃᑦᑐᑦ ᐅᖓᓯᖕᓂᓕᖕᒥ ᑕᓪᓕᒪᓂᒃ ᑭᓛᒥᑕᓂᒃ ᓄᓇᓕᐅᑉ ᐅᐊᖕᓇᖓᓂ ᐊᒻᒪᓗ ᔫᓐ-ᖑᓕᑐᖃᕌᖓᑦ ᓇᐅᔭᒻᒪᕆᐊᓘᓲᑦ, ᐊᒻᒪᓗᒃᑕᐅᖅ ᖁᐸᓄᐊᑦ, ᖃᖅᓴᐅᑦ, ᒥᑏᑦ, ᐊᒻᒪᓗ ᐃᓱᙵᐃᑦ.

ᓇᐅᔮᑦ ᖃᐅᔨᒪᔭᐅᑦᑎᐊᖅᑐᖅ ᓴᓇᙳᐊᖅᑎᖏᑦᑎᒍᑦ ᒥᖅᓱᖅᑎᖏᑦᑎᒍᓪᓗ, ᐱᓗᐊᖅᑐᒥ ᓴᓇᙳᐊᓲᑦ ᓴᐅᓂᕐᓂᒃ, ᑑᒑᓂᒃ ᐊᒻᒪᓗ ᐅᒃᑯᓯᒃᓴᓂᒡᓗ. ᑕᐃᑉᓱᒪᓂᑐᖃᖅ ᖃᓄᐃᓕᐅᕈᑕᐅᕙᓚᐅᖅᑐᑦ ᐱᒻᒪᕆᐅᑎᑕᐅᑦᑎᐊᖅᑐᑦ ᑕᒡᕙᓂ, ᑕᑯᔪᓐᓇᕐᓂᐊᖅᑕᐃᑦ ᑕᐃᒪᐃᓐᓂᖓ ᒫᓐᓇᑲᐅᑎᒋ. ᓴᓇᙳᐊᖅᑏᑦ ᓴᓇᙳᐊᔪᔪᒻᒪᕆᐊᓗᐃᑦ ᐅᒃᑯᓯᒃᓴᒃᑯᑦ, ᐱᐅᓴᐅᑎᓪᓗ ᐅᔭᒦᑦ/ᓯᐅᓯᕈᑏᑦ/ᒥᑭᓕᕋᕈᑏᑦ, ᐊᒻᒪᓗ ᐊᓐᓄᕌᑦᑎᐊᕚᓗᐃᑦ ᐅᖁᖅᑐᑦ ᐊᑐᕆᐊᖃᒻᒪᕆᒃᑐᓪᓗ.

repulse bay nunavut arctic circle cairn

ᓄᑕᖅᑲᑦ ᓇᐅᔮᓂ ᑐᙵᓇᕐᓂᖅᐹᖑᖃᑕᐅᔪᑦ ᐅᑭᐅᖅᑕᖅᑐᒥ. ᑲᙳᓱᕐᓚᒃᖢᑎᒃ ᖁᖓᑉᐸᒃᑐᑦ ᑐᙵᓇᑦᑎᐊᖅᖢᑎᒃ ᐃᒪᐃᓕᕙᒃᖢᑎᒃ "ᕼᐊᐃ!" ᐊᒻᒪᓗ ᐊᐱᕆᓕᕐᓗᑎᒃ ᑭᓇᐅᖕᒪᖔᖅᐱᑦ, ᐊᑎᕐᒥᓂᒡᓗ ᑕᐃᓯᓗᑎᒃ, ᐊᒻᒪᓗ ᒫᓐᓇᑲᐅᑎᒋ ᐃᓚᑖᖅᑐᕐᓗᑎᑦ.

ᖃᓄᖅ ᓇᐅᔮᓄᑦ ᑎᑭᓐᓇᔭᕐᒪᖔᖅᐱᑦ: Calm Air ᑎᖕᒥᓲᓕᕆᔨᒃᑯᑦ ᐊᒻᒪᓗ First Air ᖃᖓᑕᕙᒃᑐᑦ ᕕᓂᐲᒃᒥᙶᖅᖢᑎᒃ ᑲᖏᖅᖠᓂᒃᑯᑦ. ᖃᖓᑕᓂᕆᕙᒃᑕᖏᑦ ᑕᑯᒋᐊᕐᓗᒋᑦ ᑐᑭᓯᒋᐊᒃᑲᓐᓂᕈᒪᒍᕕᑦ.

 

 

Find more about Weather in Naujaat, CA